積勞成疾 @ 沙沙密卡的彩色世界

三月, 真係一個忙到抽筋ge月份
開始多0野做, 同事放假, 有audit...
忙0左三個星期..終於積勞成疾
係復活節假前病了...

最初, 我以為右邊耳仔發炎
因為同事話一耳仔發炎個頭都會抽住痛
點知一痛就痛0左成日, 一痛就痛成兩三個鐘
右腦就好似俾一堆針係咁吉
真係痛到眼淚都流出0黎

依然要番工, 依然要做0野
個人根本集中唔到精神
食粒止痛藥再做0野...
好想...死...

瞓覺又瞓唔到, 最後第二朝決定係搵搵醫生先..
醫生check完一輪竟然話我隻耳仔無事..

醫生: 你隻耳仔無事wo
沙沙: 咁即係唔知點解會頭痛
醫生: 唔係....你最近係未好多0野做好多壓力
沙沙: 你點知ga!?
醫生: 你應該係壓力太大引致偏頭痛, 開0的藥俾你食, 駛唔駛開假紙俾你?
沙沙: 要呀, 開番今朝呀, 下奏要番去做0野
醫生: 唔請成日?
沙沙: 好多0野做, 要番去做0野呀
(估唔到我lee個平時無咩壓力ge人都會因為壓力大而病....)

放假前, 帶住頭痛番去做0野
最後9:00先走....

wo......
數數下, 原來兩日總共食0左七粒止痛藥
我5年內加埋都無食咁多!!