成日聽到朋友講,細個上作文堂一定會作一篇叫「我的夢想」ge文
但我由細到大都無作過

一個又懶又唔會用腦ge人(哈, 係我)
真係從來無諗過自己大個要做0的咩..



由小學, 上中學, 就一直覺得再讀上去未讀預科上大學lor
上大學讀0的咩?之後做0的咩?想做0的咩?唔知wo
讀大學唔係一定理所當然ga咩???

直至中五會考, 遇上一個又一個的難關
我終於真真正正咁坐係度諗下自己想做0的咩...


一大堆"夢想職業"係我腦中出現
當然, 到最後都係得個想字, 真係連夢都無夢到,唉...

估唔到, 幾年後, 由為一支筆, 一盒木顏色, 幾張白紙
令我真真正正找到自己的夢想

如果你今日再問我, 我ge夢想係咩
我已經可以豪不猶疑咁話你聽
我ge夢想係做一個插畫家!

半隻腳踏入三十歲先搵到自己ge夢想,
雖然有點遲
但係每次聽到有人同我講,
「好鍾意你畫ge公仔呀」
「好得意呀」
「不如出書啦」
我都真係感動到喊
真係多得你0地, 我先可以畫落去
所以, 我成日覺得我ge夢想, 係由大家一起堆起來的!



有心唔怕遲
一日未死, 一日都有希望, 哈
雖然我無野叻,
但係我對哩樣野仲有0的自信
就算再無人鍾意, 我都會繼續, 因為我喜歡!
更可況現在有你的支持呢! (係呀, 你呀!)



[後記]
沙沙間唔中就會有一段時間進入「自閉模式」
成日覺得自己咩都做唔到, 畫唔到...
但一過0左lee段時間, 個人又番番0黎
多謝facebook ge大家

哈, 係, 我岩岩係「自閉模式」出番0黎啦~



 
arrow
arrow
    全站熱搜

    沙沙密卡 發表在 痞客邦 留言(14) 人氣()