Bedtime story @ 沙沙密卡的彩色世界

我喜歡在睡前看一個小故事
所以床邊的書櫃上總有本兩本童話故事全集

唔好以為童話一定好天真好夢幻
奇實有好多都好恐怖好驚嚇呢!
記得係 "意大利童話"入面看過這樣的一個故事..

一條村入面住0左3姊妹
3個都長得醜, 仲要生粒粒

大家姐同二家姐都係衰人, 成日蝦細妹
但係細妹又太善良, 所以又聽晒家姐話 ( 完全係童話故事ge必有組合)

一日, 細妹遇上一個老太太,
心地善良的她除0左幫0左佢
仲送埋佢番屋企
原來老太太係仙女
佢見細妹心地善良, 就幫佢變靚0左個樣
但係叫佢唔可以話俾人聽

細妹番到屋企靚0左咁多
兩個家姐梗係想知點解啦
用盡方法, 終於, 終於迫到佢講

佢0地知到老太太有辦法, 就上門搵老太太
但係又無禮貌, 態度又差
老太太就扼佢0地
只要用個木刨刨塊面, 將0的粒粒刨走0左
個樣就可以好靚ga啦

佢0地兩個又信,
隊塊面入去係咁刨, 刨呀刨, 刨呀刨
0的皮一塊塊, 0的肉一塊塊咁刨出0黎
最後, 兩個就咁死0左....