又到夏天了~
有太陽的日子,
最好就係跟朋友去 -- ＢＢＱ

哎呀
真係覺得自己好青春呀~

上個星期六同事去了大尾督BBQ
細個ge時間會買一包二包入去霸爐
而家周圍都開0左好多自助BBQ場
唔駛一早去霸爐,又唔駛買一袋二袋入去, 其實都真係幾方便~

一行十人,  出發!


都唔知點解今日天氣可以咁好~
藍天白雲,間中有風
我0地lee0的老人家唔想同太陽作對
決定放工後出發
先去泥灘玩玩, 夜晚再燒烤~


泥灘上住0左好多小生物
介紹俾你識, 佢係大尾督蟹蟹
(我覺得佢好似有鼻同口咁)
say 個hi 先~

lee隻小學時代已經係科學書成日出現
個名叫藤壺
有藤壺出發ge地方...就會有....

外星人呀!!!!
眼球爸爸呀!!!
( 你唔覺得藤壺好似外星人基地咩??)

玩0左一輪, 係時候入正題
我0地向燒烤場出發~ 一齊BBQ去~


lee個燒烤場同平時0個0的有0的唔同
平時0個0的都係對住個火隊支叉埋去燒
lee度0個0的有0的似泰國串燒
一台一個燒烤爐, 放晒0的串串上去燒
呀~真係好似打緊機咁~


雖然0野食選擇比平時的燒烤場少,
一般ge雞牛豬外, 估唔到有羊架,金菇肥牛同豆卜呀~

燒0野食緊係唔少得我至愛 .. 大蘑菇, 溼米, 多春魚 同 大蝦啦~

wo~~~大蝦出場!


今晚做0左一晚燒肉店老闆, 係咁燒係咁轉
食完又再燒, 又再轉~ 唉~ 飲番杯0野先~

食飽仲有餘興節目 -- 鬼故時間....

同事A: 我講樣0野你知呀...
我頭先去廁所, 推極都推唔到門呀....
真係好恐怖....

同事B:

「O!!!唔係講鬼故ga 咩???
做咩突然變0左講笑話ga???」

對唔住, 因為我0地0的鬼故實在太恐怖啦
唔想嚇親大家...最多補多個笑話俾你補數啦~

當我0地吃飽走人諗住出番市區
無聊係火車上又開始講鬼故
由大埔墟出發就開始講個唔停
終於去到某一個站
我同同事講起我細個去到大學站會驚見到辮子姑娘

lee個時候..大家一齊望出站....
e???唔係已經過0左幾個站啦咩??
點解又係大學站ga?? ( 火車站由大埔墟 --> 大學 -->火碳 -->沙田...)



「e...唔係講笑話咩???
做咩突然又講鬼故ga...」

咁先得人驚ma~
後來朋友話 : 應該係我0地講得太開心je~
其實架車都無停過~

講完lee句, 火車又停站
同事c: 又係大學站 ??? ( 唔好理佢啦....)

夕陽西下．ＢＢＱ大會
包睇蟹同外星人，仲有鬼故（笑話）聽
仲有仲有0野食食~
是日每人每位 :
HKD130 ( 3 個鐘)
係未好抵呢~

 
arrow
arrow
    全站熱搜

    沙沙密卡 發表在 痞客邦 留言(11) 人氣()

    E-mail轉寄