沙沙密卡的彩色世界

年初六跟同事一齊踩單車行大運，
點知好揀唔揀揀左去東涌踩入迪欣湖，
真係辛苦過參加鐵人耐力賽，打死我都唔會再踩哩條路！

我們由逸東邨開始出食發，經過富東，再沿住碼頭踩落映灣園
經過油站，進入海邊大直路，途經小濠灣車廠，欣澳，再入迪欣湖


這是一條非一般的單車路，上天橋落隧道不在話下，
你仲要踩馬路，穿天橋底，上樓梯，同埋上行車天橋！


黑仔事更不，斷發生...
有人受傷，有人爆呔(唔係車呔....)

仲有人架單車轉唔到波....(0個個就係我...)
當我踩直路的時候，已經被朋友遠遠拋離，
已經係咁踩係咁踩，但係點解都係咁慢嘅？感覺就好似 左三個人上身咁。



最恐怖嘅係當我踩上行車公路嘅時候，原全踩唔到，
每一步都要用晒全身嘅力，好似拖住兩隻牛上山


望住自己對腳，係我自己嘅問題嗎？（唔係，係個波嘅問題）
朋友已經唔見晒，啲車係我身邊經過，
嗰刻真係咩都諗唔到，我自己竟然同自己講:做馬車啲馬原來係咁辛苦咖...
看來那一刻我應該痴左線...

諗番都佩服自己嘅毅力，唔知點解竟然可以繼續踩落去，最後竟然真係去到迪欣湖...


迎接我ge係彩虹,


同埋, 午餐...


食飽又要再出發，諗起都覺得恐怖 --
無錯，之前所有經歷過嘅要再經歴多次！
感覺就好似＜見鬼＞入面唔見左成績表嗰個小朋友咁，每日都要死一次...

七點終於踩到番去，踩左七個鐘，踩到人都面形扭曲，我決定要食餐好！

 

番到屋企...成身痛, 手痛, 腳痛, 膊頭痛...

我決定以後都唔會再踩lee條路><