今年公司旅行係去迪迪尼
yo~ 十月去迪迪尼, 即係可以順手去埋"撞鬼活動"
其實上幾年都有去過
但係同同事去就第一次
每次去迪迪尼, 我都會全情投入
無辦法, 性格似小朋友, 我要忘記現實中的所有
進入另一個幻想世界 -- 去撞鬼!

但係, 可唔可以唔駛咁早就出發呢?


因為公司係book團去, 所以晨咁早就要出發
8:30,準時集合車你去食個早餐...
(我想講, 仲早過平時番工個時間呢.....)
早餐, 一0的都唔吸引, 係尖東某火鍋店入面食中式早餐
仲俾我0地發現0左佢0地個糯米糍可以當乒乓波咁打, 真係, 好有彈性!

食完早餐, 我0地向迪迪尼出發
為0左迎合halloween, 周圍都擺滿0左南瓜 (令我想起好耐無見ge南瓜先生 -- 青朗)

photo from kelllly

除0左玩一般的遊樂設施
去鬼屋一定唔少得啦~
但係我想講, 我lee0的咁驚鬼ge人,真係都覺得唔太驚..
可能因為lee度係小朋友幻相ge世界, 再恐怖ge, 都係白雪公主入面個巫婆塞個南瓜入你個口je..

我0地周圍問人拎貼紙
真係以為自己仲細...




距離夜晚猛鬼遊行仲有一段時間,
我0地就去0左玩全個樂園最刺激ge遊戲
最刺激係咩??
如果你答space mountain,
咁就錯了
最刺激ge係 ... 瘋狂帽子杯

一坐底, 我0地就好似癲0左咁, 係咁轉
轉呀轉轉呀轉
好似唔駛錢咁係咁轉
轉到, 我暈了....

呵, 還好的是, 玩完見到alice,
我喜歡她 --- 和她的貓

夜晚, 到0左咁日ge重頭環節
夜間巡遊, 因為巡遊完, 0的鬼怪就會出晒0黎
點知巡遊完0的人就散晒, 下?!唔係咁就完啦ma???

同朋友入0左0的店仔到睇0野
諗住自己一個出去買個爆谷食
就係我踏出門口0個刻
就聽到"轟隆"一聲,然後就見到好多著住十四世紀服裝ge喪屍突然係街到出現
我即刻叫0的朋友出0黎影相啦
點知佢0地叫極都唔停
仲向我0地衝過0黎隊到我個頭!!

原來佢0地諗住係條街到跳舞呀!

一路望住佢0地個造型
一路望住佢0地係度跳舞


photo from kelllly

真係覺得又恐怖,又好睇
更加無諗過佢0地仲會邀請周圍0的人跳舞呢

其中一隻喪屍 (就係0蹶度隊到我0個頭0個隻)邀請我0地跳舞
俾鬼迷的情況下, 就係咁跟0左佢出去
佢叫我跟住佢跳,仲同我一齊衝去嚇人, 去影相, 真係好好玩!


 

哈哈, 我喜歡這種互動的感覺
是我在海海公園找不到的~
有機會去迪迪尼, 記住不要錯過這精彩的環節哦!

p.s.反斗奇兵大營就快開啦, 好想去呀!


 

 

 

 

 

 
arrow
arrow
    全站熱搜

    沙沙密卡 發表在 痞客邦 留言(1) 人氣()