福建睇樓團..出發~ @ 沙沙密卡的彩色世界

永遠唔會忘記這個美麗的時刻
因為係2009年,我有一個美好的開始

在2008年尾,2009年頭,我選擇了跟朋友一起離開香港
去睇土樓,過一個與別不同的新年

土樓,其實plan0左好耐想去睇,但係就一直無假
咁岩1月1唔放假,1月2.3又係星期六日,淨係請1日假就可以去足四日
點解係去足4日?!因為去福建ge火車每日只有一班,而車係9點幾係深圳開出
第二日凌晨3:00就會去到,所以去到就可以用足1日,好啦,我0地出發啦!!!!

年尾都有咁多0野做...5:30先係公司走,不過,我ge土樓之旅正式開始
我0地一行6人約0左係紅磡等
由於太肚餓而買0左個麥當勞食...諗唔到,lee個竟然變0左我2008年最後的晚餐...

食飽飽,我0地就等出發,係出發之前影番張出發合照先~
順帶一提,因為我0地出發ge時間係香港最凍0個幾日,而且,我0地check過福建那邊都唔會暖得去邊,所以我0地都著得幾犀利~

又因為新春期間,車票難求,幾經辛苦先買到車飛,而lee個車飛都令我0地幾無助..
因為我0地成程車都無得坐...仲要寫明係「無座」...所以出發前都同大家講明我0地要" one night stand"...

但係賣飛哥哥話只要有人落車,我0地就可以坐佢個位,但係問番人,原來開頭0個幾個站都無咩人會落車,上網search資料ge時候,討論區ge人講,車箱ge空間細,仲有車仔出出入入,想坐都難..本來諗住坐地下坐一晚,即係無可能啦...

估唔到我0地就發現車尾有個正位,lee個正位其實係俾人食煙,食煙?!太浪費啦,不如俾我0地住啦!!!就係咁,我0地5個就佔據0左lee個地方,又防止有人想係lee度食煙,我0地伸晒0的腳出0黎,唔俾佢有任可機會

但係只係坐0左半個鐘,就已經覺得腳痺,仲要冷氣去唔到,又焗又熱,車仔而開始出動,車0黎車去,我地對腳都要收番埋...就係lee個時候,原來有一個叫補票ge方法可以令我0地ge"無助"ge命運改變,所以我0地即刻補票改變我0地ge命運,成為"有得瞓人士"

"有得瞓人士",係真係有得瞓ga,因為我0地由無得坐直跳上硬尽~
係lee個時候真係覺得,有得瞓真係好~
瞓lee0的床,揀位都真係有0的技巧ga,下面0個2張係最好ge,價錢都係貴0的,因為你可以坐係度,上面0個4張,你只可以瞓係度,想坐下都難,所以如果真係去0的遠0的ge trip,一定要買下面!!