岩岩過去嘅星期日,係讀緊中學時識嘅朋友嘅結婚大日子
係兩個月之前,作已經Whatapps通知咗一班朋友叫大家留定嗰日唔好約人
所以我都好乖咁mark咗係日曆到⋯⋯
就係星期日夜晚,開始有朋友問我幾點去,諗住約埋一齊出發⋯⋯
咦?!咪住先,我明明記得佢無星期日擺酒㗎喎!
為保險計,我都係決定拎番張帖出嚟睇⋯⋯
(收到帖,我多數會睇下張卡印得靚唔靚呀,睇下新娘張相呀,同睇下有無餅卡利事,之後就收臺㗎啦XD)
(滴汗)好彩有朋友同我一齊去,如果唔係,我真係會星期日晚自已走去酒樓到,
或者星期六晚,班朋友會打鑼咁搵我:沙沙,你係邊呀,我哋到齊晒啦,就開席啦!
到時,真係唔知仲去唔去好⋯⋯
講到記錯日子,其實都唔係第一次發生係我身上
記得有次朋友開生日會,生日會係2:00開始
2:15嘅時候朋友打嚟(其實我當時攤咗係床上面諗住瞓晏覺):
沙沙,你係邊呀,我到咗啦⋯⋯
無錯,我一路都覺得係下個星期,仲推晒朋友話下星期有朋友生日要開Party,
咩個Party係今個星期咩??
當時為咗唔好俾朋友發現,我就拿拿臨換衫出門口,終於係3:30到達⋯⋯
所以,我真係好怕我啲日子錯亂症會失驚無神覆發,尤其是係我搭飛機去旅行嘅時候⋯⋯
文章標籤
全站熱搜
留言列表