沙沙密卡的彩色世界

年中的時候，香港文化博物館曾經舉辦過吉卜力工作室場景設計手繪展
大家同人左迫右迫先可以睇到一兩幅手稿，諗起都覺得恐怖
估唔到今次去到韓國，都有機會睇到吉卜力展覽，仲要係立體場景展，
時間岩岩好，無理由唔去睇㗎，係未XD

展覽舉行場地係位於龍山區嘅I'PARK Mall
唔知係未韓國人唔太鐘意日本動畫呢？
大家好似唔係好知有展覽係呢度舉行
而且好多人唔識英文，我哋搵咗好耐，終於搵到個識英文嘅太太問，太好了！

終於嚟到門口啦！
好奇怪嘅感覺，所有字都係韓文嘅？？

一入去，就已經見到哈爾的的移動城堡歡迎緊我哋
現場睇，佢係會郁㗎！
真係好細緻呢＊～＊

有城堡入面有咩當然有哈爾個心啦～

探完哈爾，路過百變狸貓住嘅樹林
有嘢玩喎，睇下狸腦變咩先！

轉個彎就見到龍貓⋯⋯我想講左右兩邊係牆嚟㗎！
但係燈光加上畫功，你真係會有錯覺係同個地下連埋一齊
伸延出另一個世界咁

牆上面仲有啲藝術作品呢


最後嚟到搵千尋啦！
好想跟你入去呢

後面有湯婆婆
 
仲有，嘩變大咗嘅無面男呀！

都係鍾意你原本個樣好啲

我笑得似唔似無呀？

行完影完，又到購物時間

File、Postcard、精品，好多都同香港賣嘅差唔多
但係下面三張立體卡係之前無見過㗎！

對於紙品，我真係忍唔到手⋯⋯

後面嘅Sticker全部係韓文外，仲有嗰套電影嘅公仔印係上面，好有心思呢
  
同手繪展一樣，入場朋友都有一張貼紙
最後可以畫上公仔貼係牆上，你又搵唔搵到我張貼紙呢？

    
去開首爾，又有興趣嘅朋友，唔好錯過呀