又到畢業季節啦
無論中學生、小學生、定幼稚園生都係呢幾個星期舉行畢業禮
著起畢業袍，戴上畢業帽，似模似樣咁一齊影相
令我諗番起幼稚園發生嘅一件事⋯⋯
我係年頭出世嘅小朋友，爸媽為咗方便番工，係我兩歲嘅時候就已經送我入幼稚園讀書
但係，小學要6歲先可以入讀，所以佢哋決定等我讀多年高班，再入小學
小朋友跟本唔知點解無得升小學，只係知一齊讀書嘅同學仔個個會離開幼稚園，
一齊變成小學生
係影畢業相嗰日，大家好開心咁走到球場，排排坐好一齊對住相機嘻嘻哈哈影相
就只有我，因為唔係畢業生，被大家遺棄係課室
我唔記得我係咩時候開始喊啦，只係記得當老師當同學走入嚟見到我喊緊
叫我一齊出去影相嘅時候
我一直都無抬起頭
我唔明白點解個個都去晒影相，淨係得我一個，一個人留係度⋯⋯
之後嘅事，其實的已經唔係好記得
喊到幾時收聲，我都無印像
但係呢件事到到而家我都仲好記得
可能我真係好小氣啦，但係對一個咩事都唔知嘅小朋友（我）嚟講真係一個陰影⋯⋯
文章標籤
全站熱搜
留言列表
我是遊客 (6)
