你嘅相簿入面，有無出現過一張同海馬嘅合照呢？
有，就真係令人羨慕啦！
呢隻海馬，係以前海洋公園嘅標誌，
當年朋友去到海洋公園，一定會同海馬嚟個合照，
我呢，住係新界嘅小朋友，爸爸媽媽又唔會帶我哋山長水遠去玩
（當時要搭地鐵過海，一年數埋都唔過三次）
見到同學仔朋友仔屋企有張同海馬嘅合照，真係威過上台拎獎㗎！
當年，見到海洋公園嘅廣告，真係眼仔都發光
一直等等等，終於係我四年班嘅時候，俾我抽中咗去海洋公園參觀！
除咗摸到殺人鯨（係呀，當時殺人鯨仲未死）
令我印像最深嘅就係海洋公園嘅纜車
橫跨兩個山頭，歷時十五分鐘嘅旅程，對我哋班小學生嚟講真係好新奇
我哋六個人一架車，拎晒所有零食出嚟嘢餐
去到最高嘅山頂上面，就會有幾知同學講：
曾經，有一架纜車係呢度穿咗個底，六個搭緊纜車嘅人就跌落山死咗⋯⋯
架纜車好似係紅色㗎⋯⋯
於是乎始起比落嘅尖叫聲就係纜車間此起彼落XD
海洋公園，對我嚟講真係滿載開心嘅回憶嘅地方
文章標籤
全站熱搜
留言列表
我是遊客 (6)
