沙沙密卡的彩色世界

3月復活節，遇上熊本熊生日會係香港舉行
雖然我畫嘅生日卡贏唔到來回機票
但係都可以參加佢係沙田嘅感謝祭，等我報導下當日嘅盛況啦！

每個被選中嘅朋友一早已經係會場排隊準備入去
當然我都唔例外啦，去到會場除咗見到條長長長長長嘅人龍，仲見到搭好嘅舞台
嘩，熊本熊呀！

喜歡熊本熊，可能係因為佢係黑白色
或者係睇得佢啲蝦碌片多，佢真係好傻好搞笑
唔理佢真傻定假傻，佢真係好成功咁幫熊本宣傳
連100毛主播盤菜瑩子都忍唔住去抱抱佢呢
（yeah！盤菜瑩子係今日mc呀！）

因為我參加嘅唔係抱抱會，無得好似瑩子咁攬下佢
唯有自已FF一下啦···

生日會除咗帶熊本熊載歌載舞，仲帶禮物收
（可惜，今次熊本熊無跌底，我真係好衰XXD）
入場嘅時候已經一人一個熊本熊氣球同熊本熊帽
去到中段仲收到熊本雞蛋

到離開嘅時候仲有熊本番茄添！
加埋一齊仲可以整番個雞蛋番茄三文治㖭！

雖然今次唔可以攬攬熊本熊，有機會我一定過嚟熊本探你㗎！

－－－－－－－番外篇－－－－－－－
第二日，我聽到熊貓貓話隻熊本雞蛋好好食
（緊係啦！日本直送喎，一定好貴啦！）

咁好食，我又試下先～
點知···

（哭）熊本熊，下次見到你可唔可以送多隻雞蛋俾我呀？