D37

如果大家有睇開沙沙BLOG
仲記得三年前為大家介紹過一位GENGLEMEN朋友嗎?
每年我都會見佢一次, 
每次見完佢都只會講一句, 佢真係好有風度

 

仲記得第一次見到佢
佢除咗幫你開打門, 行係街外面, 仲會先行落樓梯然後叫你小心行
0個下我真係以為自己變咗十七十八世紀英國貴族

 

第三年了,佢依然會係行街嘅時候專登兜去馬路0個邊, 等你行入面
開門俾你先入餐廳, 基本上成餐飯都唔駛點樣郁
如果你覺得件扒太難切, 佢真係可以連扒都幫你切埋
wa, 可能太大壓力啦, 食到連叉都跌埋

 

不過, 有時候, 佢做嘅嘢真係會嚇親你
好似今次, 食食下飯傾緊計, 佢突然伸手摸我個頭

D38
唔好意思, 我0個下真係定咗格
跟住望住佢(隻手)伸過嚟, 心諗咩事呀...

原來, 有粒嘢痴咗係頭髮到....

D39  
定格咗半分鐘之後, 繼續食飯

係我見識少,大驚小怪?
其實你可以同我講自己拎落嚟嘅
嚇死人咩!

可惜, 人始終有啲缺點嘅
我哋都係一年見一次把啦...
D36  

真係次次見佢, 次次都有啲嘢嚇親我
但係真係好開心同你一齊食飯, 出年見


文章標籤

全站熱搜

沙沙密卡 發表在 痞客邦 留言(7) 人氣()