沙沙密卡的彩色世界

yo~ 我番0黎啦!

最近忙到就0黎唔駛瞓
休息番兩日, 終於可以繼續畫畫啦~

前兩日同事請0左條聰明豆我食,
聰明豆, 究竟我幾耐無食過呢?

細個ge時候
除0左黑加倫子軟糖同果汁橡皮糖
最常買ge就係聰明豆啦


以前食ge聰明點有細支裝賣
紙皮身但係用膠蓋封頂
 好記得細個食完會儲起晒0的膠蓋
仲要同細妹鬥多
鬥0黎做咩??唔知ga, 哈, 小朋友就係咁ga 啦~

點解聰明豆要叫聰明豆呢? 食0左係未會聰明0的呢?
雖然lee個係一個解唔開ge迷, 但係有一樣0野我係知ga...

就係千其唔好倒轉條聰明豆0黎拎,
因為...一個唔覺意就會...


我都試過唔少次....

聰明豆仲有個近親
細個無咩錢
就會買佢0黎扮食聰明豆
其實我到而家都唔覺得佢同聰明豆有咩分別
只係知道佢平好多...哈, 佢係咩?
未係可以幫你化身為"禮服幪面俠"ge朱古力眼鏡lor!

真係令人懷念, 唔知而家仲有無得買呢?
( 呀! 我記得仲有手槍樣ga!)

同大家預告下先~
6月30日係沙沙密卡's blog開張5周年
到時有0野睇, 唔好錯過呀!