一連兩天的聖誕紅假又話咁快結束了
你, 總共參加0左幾多個聖誕派對呢?

攪派對, 緊係唔小得攪埋大食會
細細個讀書ge時候, 每個同學都會自己整一樣0野食帶番學校
雞翼菠蘿腸手卷壽司沙律咖喱魚蛋
吃吃吃兩三個鍾就已經好開心

而家大個0左, 賺到小小錢
這幾年開始叫到會, 好好耐無自己整0野食
一0黎無時間, 二0黎唔駛麻煩

總括facelook同自己參加過的這幾個派對
唔知點解一定會見到佢...


無錯, 就係壽司
lee幾年大家都好似變0左日本人咁
每年攪party一定叫番一大盤
吞拿三文帶子海膽甜蝦
哈哈, 全部都係我鍾意食的!

係壽司併盤隔離, 就一定跟住隻雞
佢唔係一隻普通ge雞, 佢係火雞


小妹食過兩次火雞,
火雞真係唔係岩個個人的口胃
佢肉粗又無咩味,
所以第一次食ge時候淨番成隻無人食
後來朋友話, 原來將佢用0黎煲粥係好好味ga!

一個party, 緊係唔小得切番個cake 啦
所以這幾個party的最後, 都會有蛋糕做甜品
這個星期一直係咁食食食, 應該肥番唔少lor, 呵呵


不過呢, 攪party訂咩食, 揀咩蛋糕都唔係一個最大問題
最難的, 就係要預份量
叫得多, 食唔晒, 太浪費
叫得少, 唔夠食, 再煮個麵又好似好傻仔
好彩今年大家都生生性性食晒0的0野

你地今年又食唔食得晒0的0野呀?

全站熱搜

沙沙密卡 發表在 痞客邦 留言(9) 人氣()