沙沙密卡的彩色世界

轉眼間又0黎到第六日啦
經過緊張刺激ge尋找大偉之旅
我0地又係時間向下一個目的地出發

食個飽飽的早餐
係時候同firenze講拜拜
我0地向venezie出發!

我0地一早已經睇好火車班次
諗住早15分鐘去買飛就無問題啦
點知去到火車站先發現我0地想搭火已經滿客了
威尼斯果然係桌寄必去之地
咁就唯有搭下一班啦

下一班要足足要等一個鍾
做0的咩好呢?
咁不如去幫candy報失啦
( 詳情可看回 歐遊十八日 -- 行李失蹤記)
搵唔番都報個案
番到香港可以claim 番保險ma

係火車站兜0左兩個圈, 終於搵到火車站警局
以為可以順順利利咁報失啦
諗住同佢講我朋友唔見0左個袋
未講下一句, 佢已經同我講: no bag here, go to customer service
去到客戶服務中心, 竟然遇上一個唔識講英文ge大叔
佢係咁耍走0的人


最後, 佢又叫番我去搵警察....

你兩個想點呀....

最後的最後.終於俾我0的見到個警察
我0地講佢講唔見0左個袋想報案
佢竟然叫我0地出番firenze ge警局報案

咩事呀????
最後俾我0地發現佢係因為唔識英文想趕我0地走呀!!
大佬, 我仲要趕火車, 你叫我出番firenze報案?!
你係未警察0黎ga???

擾攘0左一輪, 我0地又唔肯走
佢終於肯俾我0地入去警崗落案
唔識英文ge佢同唔識意大利文ge我0地點樣落口供呢??

等我話你知啦
一個負責講(中文), 一個負責寫(英文),一個負責簽名 (意大利文)

無錯,最後, 成張報案紙都係我填...
警察係負責簽名同蓋印..


攪0左一輪, 終於拎到張報案紙可以claim 保險啦...
Firenze 可唔可以請0的識英文ge警察同客戶服務人員呀...