沙沙密卡的彩色世界

9月是開學月,
見到個個學生著住套校服係街行
都有0的衝動拎番套校服出0黎著一著

特別係而家著校服優惠特別多,
食飯送汽水, 午市平兩蚊
小數怕長計, 真係慳好多呢!

講起校服, 真係一件令人懷念ge物件
沙沙講中學ge時候讀過兩間學校
兩間學校的校服都好唔同
但係都帶俾我好多好好的回憶
今日先同大家講下我套夏季校服先啦~

我讀的第一間學校係一般的集團式學校
白色的確涼料連身裙, 紅色膠皮帶加格仔呔
行開街應該成日見到lee隻校服ga啦~

記得lee條呔係縛橡根ge假呔
放學除0左就會唔記得放0左去邊
所以第二日一定摷餐死先出得門口

仲有0個條膠皮帶
低form的妹妹仔總係會cool到條腰窄一窄
一去到高form, 條皮帶就會好似人0地做大戲0的大老官咁
有幾闊得幾闊
而家問番我點解
哈, 我都唔知wo~

亦由於lee件白色的確涼料連身裙又真係幾涼幾透
好多同學仔都貪方便隻條pe褲係入面
小息打下波, 玩下排球, 真係幾方便ga~


一轉眼, 中五畢業, 又轉0左去另一間學校啦~
沙沙讀ge第二間學校都係連鎖式學校
但係因為新校+搬埋學校
所以校服都轉埋~
登登登登, 我lee個新學生緊係買新校服啦
仲要係 最新設計ge水手裝tim!!

點解係最新設計呢
因為lee套衫條裙唔係半身裙
係連埋底衫ge連身裙!

lee個設計, 唔駛另外著底衫外
仲係用0黎避免0的妹妹仔整短條裙ge
係我做perfect期間, 竟然發現有0的妹妹仔竟然可以將條裙大變身
入門口係長裙, 上到課室變短裙..

明查暗訪之下發現佢0地將條裙cut半
之後加0左橡根
番學ge時候就放落0濊
番到學校就摺上去
就係唔可以唔佩服佢0地ge創意呀...


無論係點, 原來大家都會著條pe褲係入面...

 

哈哈, 著校服個人感覺都青春0的

唉...人老啦...