這幾天吹起北風
見到街上的人已經穿起大褸
特別係夜晚放工番屋企
番屋企條路0的風吹到"發發"聲

無錯, 又係佢出動ge時候啦...


無錯, 佢就係如假包換ge, 打邊驢(打甂爐)!

鍾意打甂爐, 除0左因為你可以揀自己鍾意ge食物
另一個原因係你可以跟據個人口味,揀唔同ge湯底食

湯底, 越0黎越多選擇, 沙嗲蕃茄麻辣藥材冬陰功
真係你想要咩就有咩,而且一包湯料咩都攪掂晒

湯底, 大致可分為以下幾種:


媽媽喜歡吃魚頭, 我就唔係好知究竟魚頭有咩好食?!
佢都無肉ge..
魚頭, 一般都會揀大魚ge魚頭, 打係我就唔係好知魚頭有無咩限制
三文魚魚頭得唔得呢? 吞拿魚呢? 石斑龍躉???好似好貴wo..
定係用番我0地平時打甂爐ge鯇魚頭就已經ok 呢?

這是媽媽最常煮的一個湯底, 豬骨加蘿蔔加粟米, 清清甜甜的
由其係臨尾食番舊豬骨 (上面0的肉), 真係勁林勁好食!


海鮮系列, 係我ge至愛
無它, 因為我真係好鍾意食海鮮
由其係當個湯吸晒海鮮ge甜味, 真係無得彈!

 


近幾年,唔知點解個個都好鍾意食蕃茄咁
蕃茄湯烏冬,蕃茄湯拉麵,蕃茄湯通心粉
所以打甂爐都唔少得佢 --  蕃茄湯底

我個人平時都唔太食蕃茄, 但係佢變身成蕃茄湯底我又接受到wo
唔好諗住用罐頭蕃茄湯可以過到骨
用新鮮番茄個效果真係差好遠
酸酸甜甜都幾醒胃ga!



不過超級市場火鍋部的即用湯包越出越多
好多時候我0地都懶得再去買料煮
一個湯包攪掂晒, 不過味精就會重好多
你知啦, 本身打甂爐已經多晒熱氣ga啦~

講0左咁耐, 你揀好要咩湯底未呢?



 
arrow
arrow
    全站熱搜

    沙沙密卡 發表在 痞客邦 留言(5) 人氣()