八月十五是中秋 @ 沙沙密卡的彩色世界

大家食好飯, 拜完神, 準備好燈籠落街玩未呢?

細細個的中秋節,
屋企會正日做節, 因為得爸爸番工, 所以唔駛就0的人番0黎食飯
食完飯, 就會放晒0的生果呀, 月餅呀去窗口, 因為女麻女麻要拜神
拜完神, 就會拎住個燈籠落海傍行...

等成日, 就係等落街....終於有得落啦....
落街, 去睇下撞唔撞到同學...之後呢....um...say 個 hi 掛...

到0左中學, 每到中秋, 都會玩得落而忘返
食完飯, 就約好朋友一齊去玩...最初, 都仲係去海傍
但到後來, 越走越遠...

我記得, 有一年, 我0地仲去到黃金海岸咁遠
坐係個沙灘到點蠟燭, 坐坐下, 唔知點解, 隔離班0的同學都係度wo
然後越撞越多...咦??唔通係級際旅行???

玩到點令兩點, 唔記得點解, 最後我0地又去0左荃灣唱k
我記得, 那一次是我第一次玩通頂, 第一次唱k..
雖然唱到天昏地暗
但係第二朝我0地成班人仲鬼打咁精神...

今天的家,
不用再拜神,
弟弟妹妹亦已經約好一班朋友同學出去玩
我呢? 拎住燈籠係街玩的日子已經不犀於我了
玩通頂, 真係唔好預我

我寧願乖乖坐係屋企打下blog睇下書...
哈哈, 無辦法, 人老了....