8月3日去了看農夫的演嘢會,
整晚,大家都舉高了手,全場的氣氛都非常high
果然做到,


我喜歡農夫,喜歡他們的歌
喜歡他們的歌詞,喜歡他們的另類
5年時間捱得不容易,他們的第一個演唱會,我喜歡


等了一個月的時間,終於到了今天,演嘢會的大日子
買飛的時候因為出了些問題,最後只能買到很後位置的座位
所以之前都有點失望,但這個show真的太好看了
我可以說,他們落力,流到成身汗,就是想給大家難忘的一夜!!

一開始,他們就戴著熊貓頭套出來唱《學海無涯》
見到他們的頭套就覺得好重好焗,不過,真的很得意



今晚,除了唱歌(正式來說是rap歌),他們還說了很多,唱了很多
在場的觀眾,大家都非常投入,成晚都係企起身,舉高隻手,一齊rap,一齊叫:
「陸永,c君」



這晚,c君札了一個紅色頭,陸永電了個紫色頭,他們是不是要來個「大紅大紫」呢?

說實在,在未正式聽農夫的歌前,我想大家都會跟我一樣不知他們兩個叫什麼名字「e~高0個個」「瘦0個個」「矮0個個」「靚仔0個個」,我諗作為一隊組合,最希望大家能夠知道他們隊名,他們唱什麼歌,他們是誰,放心吧,你們改了一個好名字,我永遠都記得你們,「你係陸永,你係c君,你0地係農夫」,唔係大富豪!!


精華 :
#1. 陸永為你介紹樂壇組合
#2. 農夫成為「三玲」代言人
#3. 麥玲玲太后裝出場
#4. c君同快必係兄弟?!
#5. 點解joseph li咁似樣ga?!
#6. 林一峯的港男論:個樣都ok ga,18,28歲,但係智商就減番10歲20歲...
#7. 林一峯唱《先走(致亡父)》,真係好感動
#8. 陸永c君齊rap《那夜我替女兒 R 背脊》
#9. 陸永捉走個小朋友呀!!
#10. 舉高隻手,我要嫁俾陸永(今日)!


他們論盡圈中人圈中事,由嘉賓講到朋友講到老闆,但係,我最鍾意都是他們的歌
好想有機會給農夫看看,現場的觀眾(250飛的朋友)其實都睇到好high!
安歌時,250飛的朋友還一起踏地,真怕那台會塌,哈哈,但是大家實在太齊心,好好feel 呀!!

最後最後,大家以舉高隻手完結整個「演嘢會」
大家一齊舉高隻手,大聲講出自己想做的事
「舉高隻手 駛乜怕醜  舉高隻手 駛乜怕醜

你咪再顧慮咁多 邊位睇小過我
隻手舉高過 駛乜驚舉錯

有冇諗過白日夢都可以成真
有冇諗過鍾意嘅人等緊你成親
有冇諗過呢世係你最開心嘅人生
睇你敢唔敢 舉高隻手唔好再等
用呢隻手拎住結婚戒指 問你鍾意嘅女士 佢願唔願意
用呢隻手其中一隻手指 對住你嘅波士 叫佢咪咁多事
用呢隻手改變世界歷史 有人話你無知 起碼你肯嘗試
我要用呢隻手寫出我嘅歌詞 無論你鍾唔鍾意 」

star hall 雖然細,但係個feel好好

影相影相影相中相

好多人一齊舉高隻手,好想同大家一齊見證這個時刻呀!

好希望有一日,農夫會睇到啲相,睇到個blog,因為,好想俾佢哋知道
真係好多人撐你哋,好多人鍾意你哋,你哋要,加油!!
*話你知,其實由大人到小朋友,其實有好多人都識rap農夫啲歌

全站熱搜

沙沙密卡 發表在 痞客邦 留言(5) 人氣()