上年年尾去左韓國旅行
其中幾日放底咗行李箱,揹起背包,跑到東海流浪
由首爾出發,去到東海睇沿海小鎮嘅壁畫,再到鐘脆石洞探險,雨一直無停過
最後嚟到三陟,一個香港人唔太熟識嘅地方,經過一日舟車勞頓,最後我哋選擇咗係汗蒸幕借宿一宵
好,今之為你解開汗蒸幕嘅神秒面紗啦!

我哋今次去嘅汗蒸幕係位於三陟嘅三陟溫泉

C18
對於韓國人嚟講蒸幕就好似日本人嘅澡堂一樣
有時間佢哋就鍾意約埋三五知己,又或者一家大細一齊去洗白白
三陟溫泉樓高五層,分開男、女溫泉,而瞓覺嘅地方就係2樓嘅汗蒸房

C19
由於三陟唔算係多外國人嚟嘅城市,你想有人同你講到英文普通話真係好難
所以由我哋由踏入三陟溫泉真至離開,全程都係靠做動作
真係好有超級無敵獎門人feel
係汗蒸幕瞓一晚,成人收費係9000W(約HKD56)
對我哋呢啲窮人嚟講真係抵到喊

都唔個係未貴人出門招風雨,今日成日都落雨落唔停,仲要大雨到無朋友
加上沿海地方,下下風吹埋嚟好似8號風球咁
成個人由頭濕到落腳,連個背包都濕埋
就係咁,我哋揹住Backpack,成身濕稔稔拎住汗蒸幕件衫衝上3樓啦
C16
係嚟韓國前我都聽過下唔少汗蒸幕嘅傳聞,所以都有晒心理準備
有準備還有準備,對於我哋呢啲外國人嚟講,除晒衫係人哋面前走嚟就去真係幾難㗎
不過一場嚟到,我決定出去,人哋話只要無大大方方咁下,唔好遮遮掩掩跟本無人會望你
(哈,咁又係,我有嘅佢都有,可況我又唔識佢⋯⋯)
係近門口嘅Locker放底晒啲行裝,就開始我嘅汗蒸幕初體驗啦!
C27
未入澡堂,就已經見到大家赤條條咁係度行嚟行去
有人岩岩沖完涼出嚟,有人係度吹緊頭(係呀,吹頭都係無著衫)
我就跟住啲準備入去沖白白嘅人入澡堂,佢哋手上都會拎住個膠盆,將毛巾、沐浴露、洗髮精⋯⋯放晒入去
好彩我個大背包咩都有,唔係就要去租了

澡堂嘅面有好多大浴池,um...有啲似電影睇到啲桑拿中心咁,側面仲有日式澡堂嘅沖洗間
大家都好努力咁洗頭呀沖涼呀洗面呀刷牙呀,所以,我都決定,浸溫泉前先沖個涼~

C28  
溫泉池有好多個,浸係溫暖嘅熱水入面,真係好舒服
可能大家都習慣係大浴室浸浴,佢地都唔會介意其他人望佢哋
有啲人仲會浸住腳係傾計⋯⋯
我呢啲咁小家嘅,都係繼續成個人浸好啦⋯⋯
C23
除咗浸溫泉,我仲發現呢度有地熱房同桑拿房
地熱房成個地下都熱辣辣嘅,大家都赤條條咁瞓晒係地下
我都係怕羞,去咗桑拿房焗桑拿
咁大個女,第一次焗桑拿,揀咗一間溫度比較底嘅入去試一試,
人哋話熱氣可以擴大毛孔將啲污糟嘢排出
我淨係覺得每吸入一啖空氣都好濕,越吸越辛苦
我都係投行,繼續浸我嘅溫泉⋯⋯


C21
溫泉平均溫度都有38度以上
係唯獨有兩個池連30度都去唔到
見到大家浸完溫泉都會跳落去遊兩個卷,又或者畢啲水倒頭淋自己
我又學人,有樣學樣咁載左盆水倒頭淋
嘩?!咩事呀,凍到呢!!!
不過一冷一熱真係超爽

C20
如事者,一浸又浸咁幾個鍾囉⋯⋯
唔知係未不斷咁蒸自已流失咗好多水份,所以大家都會帶定支嘢飲入去飲
無準備嘅朋友都唔緊要,大堂有得賣,但係裡面係咩?就要你自己估下啦⋯⋯
(因為我唔識韓文,我都幫你唔到)
C14
除咗溫泉、地熱、桑拿房,呢度仲有個好出名嘅"阿珠媽擦老泥"服務
價錢我唔太記得啦,只係見大家光脫脫咁瞓係枱(床)上,阿阿珠媽就係由頭到腳用老泥布幫你擦
擦呀擦,係咁擦,其實⋯個感覺⋯有啲似放咗係枱上面嘅一隻豬呢⋯⋯
呢啲玩意,都係唔係咁岩我⋯⋯

浸完溫泉,就可以著番衫,落2樓嘅汗蒸房休息
如果一家大細嚟,沖完涼就可以係度集合
我估呢度鋪咗地下暖管,成個房都暖笠笠,而且仲有按摩椅,汗蒸房同埋食堂
C25
講起食堂,緊係要入去食番隻蛋啦
聽聞啲人浸完溫泉都好鍾意食蛋㗎
唔通佢好似日本啲溫泉蛋咁好味嘅?
C22
原來期望越大,失望越大,佢只係一隻好普通嘅恰蛋,仲會送啲鹽俾你調下味嘅
小心唔好拈太多,唔係就會好咸囉⋯⋯
C15
夜晚12:00,係時候要休息啦
熱鬧過後,要離開嘅離開,要瞓覺嘅瞓覺
佢哋一早準備好軟置俾留宿嘅大家,今晚瞓覺好啦~
C26  
一覺瞓醒,又係出發嘅時候
打開locker,又要拎番嗰個好濕好重嘅Backpack出嚟
不過呢個都唔係最慘⋯
最慘,係要著番嗰對濕到每行一步都可以唧啲水出嚟嘅鞋
我對乾嘅袜瞬間又變成濕袜,人世間最痛苦莫過於要俾隻濕鞋濕袜包住隻腳行成日啦⋯⋯
C17
穿住呢對會出水嘅鞋,今日我哋望開三陟,向雪岳山進發!

arrow
arrow

    沙沙密卡 發表在 痞客邦 留言(1) 人氣()