沙沙密卡的彩色世界

受Weshare嘅邀請參加咗《叛亂者・強權終結》嘅傳媒優先場
無睇第一集，好怕自己跟唔上劇情
睇完先發現原來我嘅擔心係多餘嘅
劇情緊張刺激，好快已經令人代入戲入面
而且我決定睇番第一集，好想睇番故事嘅開始⋯⋯

係未開始之前，首先講下故事嘅背景啦，
故事係講呢個世界嘅人被劃分為唔同派別
依照大家嘅性格，被劃分為

－ 愛好和平嘅友好派 （Amity）

－ 擁有無私精神嘅克已派 （Abnegation）

－勇悍善戰嘅無畏派 （Dauntless）

－才藝相傳嘅博學派（Erudite）

－凡事真誠嘅直言派（Candor）

當中有一啲人唔想加入呢五個派別嘅就組成咗無派分子（Fationless）
而同時擁有多過一個才能嘅就成為咗異類，被大家稱為分歧者 （Divergent）

女主角Beatrice同男主角Four都係分歧者
因為分歧者同"一般人"唔同，所以開始被排斥，當中以博學派領Jeanine為首嘅軍隊更加追殺佢哋

係第一集入面埋下咗伏線，Jeanine搵到一個有五個派系去印嘅「派別解碼箱」，因為呢個箱只有分歧者先可以打得開
所以Jeanine嘅邪惡軍隊就開始周為捉分歧者做實驗
唔駛講，大家都一定估到Beatrice一定係最適合最有能力開呢個箱嘅人啦
為咗保護Beatrice，Four打算聯同無畏派同無派分子對抗Jeanine

陰險嘅Jeanine用盡陰招，迫Beatrice出嚟接受實驗
Beatrice係一個"完全"分歧者，因為呢個原因，令到佢最愛嘅父母同好朋友因為咁而死
一直一直佢都覺得好內疚，係實驗入面，佢要經歷唔同測試
面對自己，面對自已黑暗一面⋯⋯

故事嚟到呢到，已經進入最緊張嘅時間啦
打鬥、跳樓、槍戰⋯⋯一系列高難度動作完全無停過
只可以講句：佢仲好打過啲男人。

因為今次係睇IMAX 3D版本，由一開場到完結，成個人都好似置新其中咁
故事一開始由大自然開始，到進入高樓大廈、城市到實驗室，每一幕我都好似身在現場一齊睇咁
仲記得有一兩幕我真係嚇到成個人彈起！

如果你無頭暈底，又諗住睇呢套戲，強烈推薦你睇3D版XD

其實呢套電影係由小說改篇
小說作者係Veronica Roth，故事分為《分歧者》、《叛亂者》同《赤誠者》
雖然我只係中途插入，但係第二集嘅劇情故事已經深深吸引我繼續追落去
好期特《赤誠者》出現，同一時間好想快啲煲番第一集呢！