由細到大，巴士都係我最好嘅朋友
車出車入，佢帶去食早餐去玩去番學
日日同佢出雙入對，真係對佢又愛又恨
（哈，當佢死火我又趕時間真係恨之入骨！）
坐巴士，最好就係可以睇風景
以前仲係熱九巴嘅年代，搭長途巴士最鍾意開住隻窗
自然風吹入嚟真係好舒服㗎！
如果有得俾我揀，其實我好想坐上面嗰層
特別係車頭位置
大大隻玻璃窗加上同司機叔叔望緊同樣嘅風景
總係會令人幻想自已就係司機係公路上奔馳
可惜呢個位置成日都坐唔到⋯⋯
有時遇上一個"技術了得"嘅司機
加上一條多彎嘅公路，坐巴士又會轉到另一個層次 －－ 變成坐過山車
巴士左轉右轉，再特然出現一個離心力，加上樹枝係車身外刷過
真係有一刻會令人諗： 究竟我係置身係遊樂園嘅過山車上定係坐緊吉普車係叢林中歷險呢？
文章標籤
全站熱搜
留言列表
我是遊客 (6)
