沙沙密卡的彩色世界

夏日炎炎,大家都好鐘意去游水
泳池啦,海灘啦,只要浸係水入面諗起都涼快
但係,全部都無我份因為我都唔識游水

 

相信有唔少唔識游水嘅人可能都會好似我咁
因為細個某啲意外令到個人好抗拒水
而我個故事係咁嘅

我無記錯,我當時應該未升小學
嗰時仲住係葵興
有次爸爸帶我去泳池游水

 

已經唔係好記得當時我係企係咩池啦
印像中好似係岩岩腳尖係可以掂到地

係爸爸同朋友傾偈嘅時候,恐怖嘅事道發生咗啦!

唔知係跣腳定係差錯腳,或者係我想學人扮游水
一個唔覺意,失去平衡,成個人浸咗落水
哎又哎唔到,企又企唔到
心整係諗住救我呀

 

已經唔記得點樣,突然隻腳踩到落地,透番啖氣
真係好有係死門關跑番出嚟嘅感覺

 

我都唔知係未我表現得太平靜啦
由頭到尾竟然發現直到而家都無人發現

 

有時都會諗,點解無人發現到我㗎?唔通我真係咁唔顯眼?
連救生員都睇我唔到??

奉勸各位爸爸,小朋友都係放係BB池玩安全啲
奉勸各位小朋友,唔好跟爸爸去中池玩呀!

游水,我今世都係學唔識㗎啦
浸下水都仲可以嘅(麻煩俾個水泡我先啦)