你嘅相簿入面,有無出現過一張同海馬嘅合照呢?

A76  

有,就真係令人羨慕啦!

呢隻海馬,係以前海洋公園嘅標誌,
當年朋友去到海洋公園,一定會同海馬嚟個合照,
我呢,住係新界嘅小朋友,爸爸媽媽又唔會帶我哋山長水遠去玩
(當時要搭地鐵過海,一年數埋都唔過三次)
見到同學仔朋友仔屋企有張同海馬嘅合照,真係威過上台拎獎㗎!

當年,見到海洋公園嘅廣告,真係眼仔都發光
一直等等等,終於係我四年班嘅時候,俾我抽中咗去海洋公園參觀!
除咗摸到殺人鯨(係呀,當時殺人鯨仲未死)
令我印像最深嘅就係海洋公園嘅纜車

A78  

橫跨兩個山頭,歷時十五分鐘嘅旅程,對我哋班小學生嚟講真係好新奇
我哋六個人一架車,拎晒所有零食出嚟嘢餐

A79   

去到最高嘅山頂上面,就會有幾知同學講:
曾經,有一架纜車係呢度穿咗個底,六個搭緊纜車嘅人就跌落山死咗⋯⋯
架纜車好似係紅色㗎⋯⋯

A77

於是乎始起比落嘅尖叫聲就係纜車間此起彼落XD

海洋公園,對我嚟講真係滿載開心嘅回憶嘅地方

文章標籤

全站熱搜

沙沙密卡 發表在 痞客邦 留言(1) 人氣()