close
我屋企親戚比較少
新年對我嚟講唔係大節日
只係多幾日假，多幾日宅係家
小時候會比較好，年初一年初二都會去親戚家，去下黃大仙，去下玄圓學院
除此已外，我嘅記憶只有商場樓下嘅小販檔
當年長發嘅小販檔係香港好出名㗎
有朋友話佢會專登係九龍塘楂車嚟長發買宵夜
我最鍾意落足料嘅碗仔翅，記住我係唔鐘意加糊椒粉嘅＊
有即叫即整嘅蒸腸粉
（睇住腸粉叔叔徒手整腸粉，好似唔覺熱咁
薄薄嘅腸粉皮包住隻雙大蝦
砌開舊舊都有蝦，真係好足料）
仲有煎釀三寶，青椒紅椒茄子豆腐紅腸，sorry，其實我每次都淨係叫魚蛋
賣煎釀三寶嘅姨姨係媽媽嘅朋友，
我記得佢戴住條珍珠頸鍊，好快手咁將啲魚肉放落滾油到炸
跟住就會炸到個波咁大嘅魚蛋
當然，我都有虎視瞻瞻隔離隻炸脾啦！
商場樓下嘅小販檔，大家都好有秩序咁賣緊自己嘅名菜
炸大腸啦、臭豆腐、鹵水墨魚、雞蛋仔、夾餅、糖水⋯⋯
大家兵分幾路買心頭好再係屋企分嚟食
呢個，係屬於我的新年味道
文章標籤
全站熱搜
留言列表
我是遊客 (6)
