突然之間有機會去台灣
短短半日要安排節目真係好難
因為台灣有太太太多嘢睇啦!

最後我決定要去睇之前係香港無睇到嘅Where's Wally 展~

今次Wally展係華山1914文創園舉行
其實我都幾鍾意呢個地方,交通方便,而且有好多展覽集中係一齊
另外一個重點係佢有冷氣
行完一個再行一個,又可以行下市集,有時間真係可以行足一日

呢個飛都好靚呀~

上次係香港展出時我無去到,睇番啲相,有啲展品都同之前展出嘅差唔多

但係台灣特展多咗個夜市展區同迷宮區
係入迷宮之前先抽張卡

入到去迷宮再係好幾幅Wally畫入面搵番呢個圖畫
放心啦,啲畫已經放到好大好大好大,好容易就搵到囉!

行到另一區,仲可以用自己方法加入Wally世界
例如畫畫啦~

最後最後,當然唔少得Shopping時間
哦哦哦,又財散人安樂嘅時間啦⋯⋯

有好多嘢都係台灣限定
我對"限定"呢兩個字真係無抵抗力呢 (T_T)

展覽由6月23到9月4舉行,去開台北,不防探下Wally啦~

沙沙密卡 發表在 痞客邦 留言(1) 人氣()