沙沙密卡的彩色世界

人越大，識嘅朋友越多
一心諗住可以成為好朋友
點知原來自己係一相情願
究竟點先叫做真正嘅朋友呢？

細個識朋友，最開心就係可以同佢哋一齊行街食飯影貼紙相
嘻嘻哈哈又一日，
對當時嘅我嚟，呢啲就係朋友

後來發現，呢啲朋友，只係酒肉朋友
大家除咗飲飲食食會見面，突然發現
我哋就係無其他共同話題⋯⋯

其實，朋友唔駛多
最緊要係你有事嘅時候，有個肯幫你，為你兩肋插刀嘅人
有呢個人，一個朋友都夠

當然，好彩地，我身邊肯為我兩肋插刀嘅都唔只一個
多謝你，我真正的朋友