飲勝－沙沙密卡的彩色世界

打邊爐, 有得食當然還有飲
三五知己對住一煲熱辣辣的火鍋
講捉一晚, 唔飲番兩三杯飲品落肚
第二日起身分分鐘出唔到聲呢!

講起飲番杯
我的打邊爐首選當然係 – 汽水 – 啦!

屋企附近的酒樓每晚都有火鍋任飲任食的時段
我最喜歡就是可以自己係冰筒入面自己撈汽水
兩隻手插入冰入面, 係咁搵係咁拉自己想飲的汽水
嘩! 真係凍到手都甩呀!

冰凍的汽水, 加上熱辣辣的邊爐,
竟真是絕配
一次過飲半支嗝番啖氣出0黎..

哈, 真係好正!

大人打爐, 最鍾意叫番兩支啤酒
我個人就唔太喜歡啤酒啦
又苦又難飲
但係爸爸同朋友都飲得好開心
仲話佢係鬼老涼茶,好好飲…( 鬼佬都飲涼ga咩??)

每次賣啤酒的地方都會見到著住短裙的啤酒姐姐賣啤酒
點解唔請啤酒哥哥呢?其實而家都有好多女仔飲啤酒ga..
唔通啤酒姐姐賣的啤酒會特別好飲?

不過飲時飲, 飲太多啤酒會好容易有啤酒肚ga!

人哋話打邊爐好燥又熱氣
試過一個星期打了兩次邊爐
真係講嘢都講唔到