話咁快又到10月了
10月, 係各大主題公園出動搵銀ge大日子
因為, 萬聖節到啦!


一如往年, 沙沙今年都會參加其中一個主題公園的尋找哇鬼活動
無辦法啦, 買0左年飛就快到期, 一定要把握機會玩埋佢
唔知, 今年ge鬼屋係未又同上年一樣呢???

我呢個人真係幾麻煩ga
又要驚又要玩
早幾年試過俾朋友留底0左係鬼屋
嚇到要隻鬼帶番我出0黎
人, 真係矛盾..( 詳情可看"海洋公園哈佬喂之嚇到你驚")

鍾意玩鬼屋, 除0左因為貪佢刺激
因仲好鍾意睇佢ge佈置
其實我都幾欣賞"海水公園"鬼屋ge設計
佢可以將中日常生活ge0野(比如公屋走廊, 遊樂場咁)放入鬼屋
攪到我夜晚番屋企ge時候都有0的驚

記得細個睇過一個日本節目, 係講一班小朋友(小學生)參加一個鬼屋遊戲
鬼屋係以學校做主題
兩個人一組, 有攝影機跟住
要經過課室, 科學室, 美術室等等

面我最深印象, 就係兩個小朋友去到洗手間
其中個一個廁所門係通去下一個場景
揀錯0左就會有鬼彈出0黎...


佢0地緊係.....

揀錯0左啦...


 

 

 

唔知...我會唔會好似佢0地咁走番出0黎呢???

全站熱搜

沙沙密卡 發表在 痞客邦 留言(5) 人氣()