沙沙密卡的彩色世界

東京蚤の市, 係其中一個我一直想去嘅市集
個半月之前知道佢會係11月會舉行秋季活動
唔理三七二十一買咗機票, 嚟個快閃東京, 感受蚤の市嘅威力
東京蚤の市分2季舉行 （今年8月特別加開左夏季版，即係今年舉行咗3次啦！）
以為呢個市集嘅面積好細？你錯啦，呢度大大小小有成過百檔小店
有賣衫有賣書有賣花有賣首飾有賣家俬有賣古物嘅店鋪
真係可以係度行一日㗎！
一開始我將蚤の市同平時嘅手作市集撈亂咗
以為檔攤全部都賣手作嘢
點知一入去就己經見到好多瓶瓶罐罐
同埋古靈精怪嘅雜貨賣
呢個未係日劇入面成日見到嘅教室解剖男？！

離開鎌倉, 下一個目的地係河口湖
對於河口湖, 我只係知佢係一個可以好近睇富士山嘅地方
有溫泉浸, 有好多博物館
由東京出發, 好多人會選擇係新宿出發,
但係因為今次我哋係住係鎌倉,
中間又錯過咗搭巴士嘅時間,我哋唯有轉幾程火車
由去到大月再轉富士登山電車上山
因為富士登山電車同火車唔係同一間公司營運
所以我哋決定買富士五湖2日周遊券方便搭車
呢張車飛可以用2日,真係好貴呀, 千祈唔好唔見
踏上登山電車,感覺同富士山越嚟越近
又緊張又興奮, 我哋唔知可唔可以見到面呢?

離開風穴, 跳上巴士,來到西湖いやしの里根場
白村鄉有合掌屋,嚟到富士山下都有茅茸屋
比起白村鄉的茅茸屋, 呢度嘅屋頂無咁大無咁斜
但係一樣咁可愛

富岳風穴同鳴沢冰穴唔算好遠,行番出公路大約行30分鐘就到
走入風穴,先要經過一小段青木原始林
講樣嘢你知呀,聽聞有好多人專程嚟自殺架
入到去青木原始林，每棵樹個樣都差唔多,加上成個樹林鐵含量高
指南針係度完全無作用, 有好多人就係咁係呢度盪失路而死
入去搜救嘅人都要綁繩入去, 而佢哋間唔中都會係樹上見到啲繩呀帶呀
無錯, 呢啲就係以前係到自殺嘅人留底嘅嘢...係呀，佢哋揀嚟呢度自殺無人可以搵到佢⋯
好啦, 番番正題, 如果乖乖地行正路就唔會出事嘅

離開山田屋, 第一站嚟到鳴沢冰洞
係河口湖周圍有大大小小嘅洞穴
呢啲洞穴嘅出現係因為以前富士山爆發時岩漿的氣泡收縮而形成
由於時間緊迫,我哋就揀咗冰穴同同風穴去
如果你有時間, 仲可以去埋附近嘅蝙蝠洞同龍宮洞

又越過高山又越過谷
兜兜轉轉，終於嚟到我地係今晚住嘅地方啦！
咁多晚住嘅地方最貴就係今晚
因為呢間係溫泉旅館，仲要係望到富士山嘅溫泉旅館呀！

今次嚟東京除咗去睇繡球花，追山，仲有一個Target，就係去築地市場！
由細細個開始就聽"築地直送"

有人話愛情同見富士山一樣，首先要睇下有無緣
無錯，就算你專登安排去睇山，都未必俾你見得到佢真身！

其實我無諗過我會咁早去東京
突然想去，係因為我想係築地消失前可以去踩踩場
揀6月去，係為咗睇繡球花
半年前買好機票，一直放係度直至出發前一個月先開plan行程嘅時先發現原來有好多我想去嘅地方都去唔到（哭）

嚟到東京,個個都愛Shopping
我都唔例外
不過人家去買衫, 我哋就走咗去買美術用品