沙沙密卡的彩色世界

威尼斯有兩個站, 一個叫 venezie s. luccia,
就係我0地平時所見到ge威尼斯主島, 高空望落去, 真係好似條魚
另一個就係主島前一個站 venezie mester

朋友話主島酒店貴
所以提議我0地去venezie mester住民宿
一0黎平0的, 二0黎交通都好方便 (可以搭火車/ 巴士)
都係十幾分鐘ge事
我0地窮遊歐洲ge朋友, 聽到有得慳緊係唔放過啦!

係民宿放抵行李我0地就向主島出發啦!

威尼斯除了是出名的水都
仲係出名ge嘉年華會場

係好耐好耐之前, 威尼斯人就已經帶住面具工作同生活
到了十六世紀的威尼斯,帶住面具的人仍除處可見
不過用者都係0的有錢貴族同落難貴族, 佢
0地有0的用面具係0黎私會情人, 有0的係避仇家捉殺...
直到拿破崙南下,征收了威利斯, 面具人先消失

現在每年2月的其中10日,
威尼斯都迫滿0黎參加嘉年華的人
你唔知我係邊個, 我又唔知你係邊個
個個帶住面具, 狂熱, 起舞
我都好想參加呀!


可惜..我0黎到威尼斯已經係4月...無得參加了...

無得參加都唔緊要,
因為係威尼斯ge大街小巷都有好多賣面具ge鋪頭
佢0地ge櫥窗都好靚ga!

係我好投入影相ge途中
突然俾個面具公仔嚇親
點解黑色的眼窩入面突然有隻眼ga!!!

見唔到見唔到見唔見到佢對眼呀!

原來佢0地用0左一個有眼ge公仔0黎帶面具做裝飾, 嚇死人咩!
( 如果0黎都會去威尼斯, 試下搵下佢啦~真係會俾佢嚇死
特別係你好專心影相ge時候...)

講起面具, 原來都有分好多種
等我介紹幾種面具俾大家認識下啦~

貓貓面具Gatto

最普通ge白色面具volto, 有0的詭異呀... 

像小丑一樣的Jester

尖下巴的死神, 唔係, 係醫生面具Medico della peste,
相傳十六世紀法國醫生用來抵禦瘟疫專用

除0左lee幾種面具
其實仲有好多種好多種唔同名ge面具,
但係真係太多款, 我都分唔太清楚lu~
我淨係知,
好靚哦~~

所以我0地真係忍唔到手
我同maymay都忍唔住一人買0左一個


買0左個面具, 又有咁靚ge櫥窗,緊係要影番張靚相啦~

但係唔知點解, 一路影就一路有人望住我0地...
 

講完面具
我0地都未正式開始講威尼斯,
又未見到貢多拉, 所以唔好離開
下回跟你浪漫遊水鄉

more to read:
歐遊十八日 -- 點解唔俾我報案呀?
歐遊十八日 -- 迷宮一樣的波波利花園
歐遊十八日 -- 美味的意大行pizza
歐遊十八日 -- 尋找大偉像之旅?!
歐遊十八日 -- 尋找老城的舊面貌
歐遊十八日 -- 尋找老城的甜味
歐遊十八日 -- 黑仔事件簿
歐遊十八日 -- 漫遊五魚村 (下)
歐遊十八日 -- 漫遊五漁村 (上)
歐遊十八日 -- 行李失蹤記
歐遊十八日 -- 比薩我來了! 衝呀!
歐遊十八日 -- 意大利火車, 真係好麻煩呀...
歐遊十八日 -- 最後召集
歐遊十八日 -- 旅遊日誌