今日, 繼續講我lee兩隻白飯魚..

上回講到
小時候見到同學仔0的白雪雪白飯魚會忍唔住踩兩腳
今日, 教大家玩個新遊戲

當"掌悶人"玩緊飛拖鞋ge時候
其實我0地lee班小朋友一早就玩緊lee個遊戲
雖然我0地唔會著拖鞋番學
但係, 我0地好識運用身上所有物品去玩

無錯, 今期我0地玩"飛飯魚"


飛飯魚玩法好簡單
只要你0個日上體育堂著0左白飯魚番0黎就可以成為其中一為參賽選手
每逢小息, 都歡迎大家係露天操場外面條小路集合
襯老師唔覺眼
就可以正式開始比賽

據非正式統計, 通常隻鞋越大, 踢出0黎ge距離會越遠...

* 通常屋企人都會買大兩個碼, 話洗兩洗就縮水
但係我著到對鞋爛, 都仲未縮到我個碼...

當然, lee個比賽最好玩ge緊係後面打仗咁搵番自己對鞋出0黎啦~
um...通常...都係搵唔番自己0個隻ga lor...

老師 : lee班都唔知係邊度深山走出0黎ge怪獸
...玩埋0的無聊0野

呵呵, 小朋友就係咁ga啦~
其實我覺得應該可以加入學校運動會其中一個項目...

仲有....下回嗎?

全站熱搜

沙沙密卡 發表在 痞客邦 留言(8) 人氣()