今日, 我0地終於唔駛塔火車周圍趕,
我0地會留係Firenze,
感受一下lee個充滿藝術氣氛的城市...

*Firenze又叫翡冷翠,
比起英文florence( 佛羅倫斯)我都係覺得Firenze好聽0的~




出發前等我食個番個早餐先~
0黎0左意大利五日, 終於可以食番個似樣0的ge早餐啦!


係我最鍾意食ge太陽蛋同煙肉呀!

如果大家都係backpacker, 我會十萬個推薦住係lee間hostel
除0左近火車站, 價錢合理, 包埋早餐(仲要異常豐富呢)!
0黎0左意大利咁多日, 第一次食個咁full ge 早餐 咋!


最最最重要係, lee度有"車立"搭!

吃飽飽, 我0地就第一時間出去
因為我0地第一個目的地, 係去探 David!



要去睇大偉像
一定要早出發
因為大家都係慕名而來, 所以藝術學院( galleria dell' accademia)未開門就已經有好多人係門口排隊
我0地拎住地圖行行行, 終於發現0左藝術學院(其實係發現到條人龍)!
真係未開門就已經好多人排緊隊啦!

好彩早0黎, 排0左一陣就入得去啦~
親眼見到大偉先知原來佢真係咁大咁高
大偉像係由米開朗基羅雕成,
一舊大理石原石到雕刻成大偉像, 總共花了3年完成
佢無一塊肌肉, 手上的筋脈都雕到好似真的一樣
可惜, 藝術學院係唔俾影相的
一舉起相機就會被勸喻收埋
作為一個乖乖遊客
我都係收埋個相機啦~


無相影, 咁就買張post card 番屋企啦~

探完David
我0地又去0左睇聖母百花大教堂(s. maria del fiore)..可惜今日有彌撒, 入唔到去nei..
其實係聖母百花大教堂周邊仲有好多出名的教堂
但係今日係星期日ge關係, 我0地只好係門口輕歎...
"唔好阻住人做彌撒啦..."



行出教堂區, 來到舊宮
又見到DAVID 啦!
咁岩ge~



其實成個Firenze有3個大偉像, 一個係美術學院
一個係舊宮門前的領主廣場(piazza della signoria)
一個係米高安哲羅廣場(piazzale michelangelo)
而家見到ge係第一個複製品 -- 領主廣場的大偉

見完兩個大偉, 無理由唔去搵埋第三個ga~
好, 而家出發去搵第三個大偉!

e~未見大偉先見木偶仔~
"無見三日,你瘦0左wo..."


沿著阿若河( fiume arno)經過格拉茲橋 (ponte alle grazie)


在一步步行上山
太陽實在太猛烈啦..
真係行到熔
不過,上到米高安哲羅廣場
景色真係一流!
從高處飽纜成個Firenze的美景,都係值得ge~

有我0地岩岩睇過ge大教堂


 
有我0地將會去ge老橋

wa! 仲有第三個大偉呀!


影夠相, 當我0地想走ge時候..
突然間,我0地發現...少0左個人..
弊! candy去0左邊ar?

搵又搵唔到佢,
打又打唔到電話俾佢
廣場係咁大ge je...佢可以去得邊nei???
唔通佢落0左山.????

所以我0地最後決定落山睇下佢係唔係度...
點知...係無ga...

我0地諗佢要落山一定要經lee度, 不如就係度等啦...
等等等...又唔知佢去0左邊..又肚餓...又晒...
我0地開始發癲, 開始唔想再理佢....


may may話不如等多15分鐘, 再見唔到佢就走, 唔好理佢lor...
我, 都想, 但係掉底佢又好似好衰
萬一佢真係唔識路番hostel咁點算nei???

所以我決定上去搵到佢一次!
估唔到, 我一上到廣場就見到佢好悠然咁行0黎行去...

行0左去又唔出聲, 攪到我烈日之下行0左上米高安哲羅廣場兩次
仲要原來佢醒到拎0左hostel張卡片....(我同may may都無拎..)
0個下, 真係有0的想爆粗...
早知聽唔等你啦...

下回:
- 終於食到傳說中的美味pizza 啦!
- 上0左米高安哲羅廣場兩次都唔夠, 仲要上多次???
- 行下花國ge, 點解好似做0左妹仔咁ga???

 

 

 





 

 

 

 

 

 

 

 

 

 

沙沙密卡 發表在 痞客邦 留言(8) 人氣()