現在出街, 個個手執smart phone
iphone, htc, samsung galaxy II....
一人一部, 可以上網打機影相聽音樂睇電影
它的作用已經遠遠超出了一個手機應有的工用了....

慢愎開始, 大家都唔再打電話而改用whatsapp溝通 --
開個chartroom, 傾下去邊到玩,去邊到食飯,
你一句, 我一句, 大家都可以俾意見, 大家都知去邊...

咪住!
咁0個0的無smartphone的朋友呢?

sorry, 我0地原全唔記得0左你tim....

這一個, 就是現在的社會。

身邊不少朋友, 因為無whatsapp, 好似無晒0的朋友咁
紛紛投向smartphone的懷抱
曾幾何時, 我都有一刻的衝動
最後因為現在的電話還可以用加上0的錢用晒去旅行, 所以都係放棄0左
從此, 我就跌入無朋友的世界...


case 1: 朋友甲6:30打0黎...
朋友甲:「我0地今晚食飯wo...」
沙沙: 「e...咁突然ge?!我今晚去0左人0地屋企食飯wo
你0地早0的講呀ma...」
朋友甲: 「0我...其實我0地講0左2,3個星期ga 啦....係whatsapp到...
不過唔記得通知你咋ma....」
對唔住...我係一個好記仇的人....我lee世都唔會唔記得....

case 2: 朋友乙星期六夜晚接近12點打0黎...
朋友乙: 「你聽日得唔得閒呀? 我0地決定去行山啦..」
沙沙: 「噢, 我聽日約0左人啦...你0地咁遲先決定ge....」
朋友乙: 「um...其實我地係whatsapp傾0左成個星期ga 啦...不過一路都firm唔到行邊,諗住firm晒0的0野先通知你ma...」
其實, firm唔到行邊, 都可以講聲我知你0地諗住邊日行山ga je....

case 3: 朋友晚上7:30後打0黎...
朋友丙: 「佢0地今晚食飯wo..你...0黎ma?」
沙沙 ( 岩岩放工上0左巴士諗住番屋企) : 「咁突然ge?!我上0左車番屋企啦...」
朋友丙: 「0我...都係今日突然話食飯....好似好多人0黎wo...」
沙沙: 「我諗應該係下奏有人係whatsapp話食飯啦...0我..唔緊要啦, 你0地食啦, 我唔0黎啦....」
以前,有朋友突然約食飯, 下午2,3點,就會收到朋友的mms或者打個電話0黎講, 「今晚食飯囉!」, 已經唔記得有幾耐無收過0的咁ge電話lor...

可能係我自己硬頸啦...有好多朋友都跟我說
「你快0的買iphone 啦, 用whatsapp真係好方便ga!」
我就係唔信無smartphone,無whatsapp就無人同我去玩去食飯...
但最後, 原來大家都真係會忘記lee班無smartphone的人...

其實, 我是有電話的...
電話, 唔係用0黎打電話ga 咩?
或許電話的功能, 已經再唔係打電話俾人....

算吧...我還是乖乖的回家畫畫吧....

* 用whatsapp的朋友, 如果你看到這篇blog
突然覺得錯過了一些東西, 不用打給我...我真的, 已經 習慣了...

全站熱搜

沙沙密卡 發表在 痞客邦 留言(8) 人氣()