沙沙密卡的彩色世界

逗留在台東的一個晚上，住在苗栗的小寶楂車來到台中跟我吃飯
因為香港大雨令航機延誤了起飛時間
來到台中已經是晚八點多

原先打算先將行李放在酒店再出去吃飯
最後因為太晚連行李都沒有放底就已經跳了上車
跟著"當地人"走⋯⋯

車子一直開，左轉右轉⋯⋯其實我哋要去咩地方都唔知⋯⋯
最初以為我哋會直接開去吃飯的地方
但係車開過嘅地方都黑蚊蚊，究竟佢車我哋去邊呢？

一落車，完來佢係車我哋上山
上山做咩？原來上嚟睇夜景呢！

呢度係台中的望高寮，天氣清，可以看到成個台中市呢！
比起香港的夜景一啲都唔輸蝕～


知啦知啦，知你細心啦～

台灣話大唔大，話細唔細，由台中到苗栗，經高速公路大約一個鐘可以到
但係唔熟路嘅朋友好多時都會靠GPS（所以電話有GPS 功能真係一個偉大嘅發明！）
可惜，如果你電話無電，同一時間，你睇錯咗公路出口出錯咗
夜麻麻係公路上架車仲要顯示就快無油⋯⋯只可以講，你真係超黑仔⋯⋯

而我這位朋友，就係今次黑仔男主角
當我已經沖好晒涼準備瞓覺嘅時候，終於收到朋友回到家的消息：
原來佢出錯公路去咗新竹，再由新竹番苗栗，兜咗一個大圈仲要發現架車無咩油
手機？當然係無電啦，番到屋企簡直要興祝。。。

今次，真係辛苦你了⋯⋯




台灣認識的朋友都是友善熱情的
每一次去台灣都感受到他們的溫暖
或者，呢啲就係香港已經消失的人情味吧
所以我特別喜歡台灣，特別喜歡台灣人～

朋友，有機會下次來香港我一定帶你看看的夜景，下次見～