我那個年代嘅女孩子,小時候一定玩過紙公仔。
無錢買芭比,無錢買椰菜娃娃
但係行過文具鋪花十蚊八蚊就可以買到紙公仔
紙公仔其實係一本紙皮娃娃書,
入面有一個著咗底衫嘅公仔,仲有好多紙衫,紙飾物同紙用具
只要你撕佢哋落嚟,就可以同哋換衫扮靚
當年我有好多紙公仔㗎,美少女戰士啦,娛樂金魚眼入面嘅千歲、華美子啦
有時候我仲會用紙做啲新衫俾佢哋著
因為儲埋儲埋太多,所以我會用個藍罐曲奇盒裝起佢,放係床下底
得閒就拎出嚟玩,有時仲會約埋隔離屋個姐姐一齊開個紙公仔Party!
但係唔知幾時,當我想再搵番個盒出嚟,搵極都搵唔到
問晒所有人,佢哋都話無見過,就係咁,我個寶盒就從此消失
咪以為故事就咁講完
前兩個星期,同妹妹再講起我盒紙公仔
竟然有新線索
太可惡啦做咩媽媽你會扮唔知㗎
我盒紙公仔呀我個月野兔呀我個華美子呀(哭)
無錯,我仲係一個大細路請問邊度仲有紙公仔賣呀?
文章標籤
全站熱搜
我是遊客 (6)