東京蚤の市, 係其中一個我一直想去嘅市集
個半月之前知道佢會係11月會舉行秋季活動
唔理三七二十一買咗機票, 嚟個快閃東京, 感受蚤の市嘅威力


東京蚤の市分2季舉行 (今年8月特別加開左夏季版,即係今年舉行咗3次啦!)
以為呢個市集嘅面積好細?你錯啦,呢度大大小小有成過百檔小店
有賣衫有賣書有賣花有賣首飾有賣家俬有賣古物嘅店鋪
真係可以係度行一日㗎!

一開始我將蚤の市同平時嘅手作市集撈亂咗
以為檔攤全部都賣手作嘢
點知一入去就己經見到好多瓶瓶罐罐
同埋古靈精怪嘅雜貨賣

呢個未係日劇入面成日見到嘅教室解剖男?!


唔知係邊到走出嚟嘅手手腳腳

同BB頭⋯⋯

除咗奇怪嘢,都有啲靚嘢賣嘅
比如呢個賣乾花嘅小店啦~
唔知佢係點樣車啲嘢嚟set 場㗎呢?


當然唔少得用嚟做擺設一流嘅玻璃樽啦~


但係詭異地發現,有啲檔口賣嘅玻璃樽上面係寫住「鐮田醫院」
唔同佢真係係醫院用過嘅?
哎呀,總係覺得有啲恐怖嘅感覺呢*0*


行到攰,可以去食個窩夫
士多啤梨朱古力肉桂櫥糖四揀一
最後我都係揀咗楓糖味,呀~係秋天嘅感覺呀~


齋睇唔買嘢,太唔襯我啦
再嚟係*蚤の市戰利品時間~*
就係我係度尋寶嘅時候俾我發現咗呢個皮喼
其實我之前去歐洲都已經好想買㗎啦
唔係太重,就太貴
而今次見到呢個喼揀直係我嘅Dream喼!


我對佢就好似一見鐘情咁,拎咗係手就唔想放低驚佢會俾人搶走咁
最後以3400Yen帶咗佢番香港,希望將來有一日可以帶住佢開市集用啦~

除咗呢個喼,我仲帶咗呢2個下巴嚟,估下呢2個下巴係屬於邊個嘅~

見到你個樣咁慘,等我帶你番香港啦⋯⋯


其實呢,我仲睇中咗啲傢俬㗎⋯⋯如果我住係日本,我估我真係會買佢番去 (哭)

雖然今次嚟嘅時間真係好短
但係真係無後悔呢個快閃,

特別係喜歡舊嘢嘅你,有機會真係要嚟行番轉
有機會嚟日本,要留意下撞唔撞正蚤の市舉行日期呀!

 

 

 

文章標籤

創作者介紹
創作者 沙沙密卡 的頭像
沙沙密卡

沙沙密卡的彩色世界

沙沙密卡 發表在 痞客邦 留言(3) 人氣()