沙沙密卡的彩色世界

離開山田屋, 第一站嚟到鳴沢冰洞

係河口湖周圍有大大小小嘅洞穴
呢啲洞穴嘅出現係因為以前富士山爆發時岩漿的氣泡收縮而形成
由於時間緊迫,我哋就揀咗冰穴同同風穴去
如果你有時間, 仲可以去埋附近嘅蝙蝠洞同龍宮洞

山洞入面長期Keep住0-3度,
進入山洞最好著番件外套,而且地方狹窄
要小心啊,好易撞到頭
你可以係入口帶好安全帽先入去呢!

每次嚟日本旅行都撞到學校考察活動
日本學生真係好幸福呀,有咁多機會接觸大自然
我當年只係去過香港動植物公園咋...

進入地底洞穴,好有地心探險記嘅感覺

山洞第一段路只有91cm 高,所以大家排住隧咁樽住行入去

繼續行落去,就會見到傳聞中嘅冰洞
係以前未有冰嘅日子,呢度就係日本人嘅天然冰庫
一磚磚冰就係呢度拎出去用

 

長期keep住好似開咗冷係咁, 大自然真係好神奇!
唔好睇少地下你踩住嗰啲冰,佢哋都有幾萬年嘅歷史架
係真正嘅萬年冰

好彩係入口放底咗啲行李,如果揹住行李入嚟一定行唔到呀
逛完冰洞行番上地面,再去風穴參觀