沙沙密卡的彩色世界

用左五年ge yahoo blog 前兩日終於宣佈要摺埋啦...
估唔到慶祝完五周年無耐, 就要同佢講byebye...

之前見yahoo blog 首頁成個月都無更新
又執番4,5年前0的post出0黎扮精選都覺得奇怪ga啦
不過係估唔到佢係放棄佢je..

事出突然, 一班blog友都唔知點算好
大家都周圍搵, 睇下搬去邊到好...

有人話...不如轉用微博啦

但係微博有字數限制, 有0的字眼又唔可以出街,
而且唔可以好似blog咁post咁多畫, 所以..好似唔係好岩我用wo..

又有人話, 不如用sina啦~

實不相瞞, 我就係係sina轉過0黎ge...
因為人流問題, 當年寫0左幾個月都無咩人睇所以先搬去yahoo...

跟住有好多人話, 不如去blogspot lor!

blogspot係屬於google ge,所以係申請blogspot ge時候, 會問唔問你申唔申請埋google+
blogspot望落去好似幾難用咁...(其實因為我對電腦真係...)
加上好多人都擔心有朝一日google+會吞埋blogspot
我真係唔想到時又搬多次呀....

揀0黎揀去, 揀0黎揀去 ...
   

唉...其實我都係講下ga ja... (雖然真係好仔細諗過..)
寫0左五年ge回憶, 真係好想留底去
另外最想係可以同番一聚blog 友一齊搬家,
好開心係yahoo blog識到一班好朋友
無你0地, 可能我已經無再畫公仔啦...

所以, 最後我0地決定
一．齊．搬
搬去邊?就係lee度啦,
記住個地址, 以後就係度見啦!