沙沙密卡的彩色世界

秋天, 果然是一個好季節
上星期日,天高氣爽,
沙沙密卡相約blog 友阿呆天白chok bee輝輝小痴同鳳仙幹部一齊去行山
行山, 只係我0地ge籍口, 真正ge目的..
其實係...食雞

今次我0地由東涌行入大澳

又越過高山又越過谷, 入埋人0地條村經過幾間爛屋,
點知回頭一看,e?!點解仲見到個機場ga????

上網0的人話: lee段路無咩斜路ge...
點知斜路一個又一個
仲要係奪命0個隻....好, 我決定一口氣衝上去....



點知...

人家都未見到好風光,未抖番順條氣就要我落番山....
仲要係即刻....點解????
遇著行山老手天白越行越起勁
沙沙: 喂....搵人叫停佢好wo...

行山途中, 我0地ge探索隊隊長阿呆唔知係邊到搵到好多珍禽獸出0黎
-- 赤蛇


-- 痴底虫

-- 樹雞

- 蚱蜢

我開始懷疑, lee0的異獸其實係阿呆養,唔係邊有得0黎咁多,仲要係佢先見到呢...

行過一條村,見到村前有好多黃花
諗住入去八下
行行下, 發現地下有好多沙田柚
行前0的有個山墓...
唔通佢0地好似人0地掉西瓜落海咁諗住係度招魂???

後來抬頭一望,先發展上面原來有株沙田柚樹
唉, 佢係自己掉落0黎ga...諗多晒...

行行行,終於行到入大澳
亦到0左最重要ge環節 -- 食雞
司徒bee領隊話這次吃的是"運拎切啃"
但係食雞之前, 先要行埋lee條..

有幾絕望????
大大個太陽,無樹蔭
直路一條但係見唔到盡頭,
仲要係係你又肚餓,又疲倦ge時候行...真係, 可以獲選為全個旅程最難行ge一段...