沙沙密卡的彩色世界

講起三個願望，你會諗起啲咩？

阿拉丁神燈？
聖誕老人？
 
我會諗起KINDER  出  奇  蛋

細個睇電視，一開始就有個媽媽見到囝囝做晒功課決定送份禮物俾佢

小朋友就話”要朱古力，想要玩具，同埋新奇刺激嘅嘢"

跟住就同媽媽去超級市場買KINDER出奇蛋啦

小朋友（包括我）見到呢個廣告，真係深深俾佢吸引住㗎
又有朱古力食，又有嘢玩，真係好想要呀

好惜，媽媽又點會咁易買俾你呀～

好不容易，媽媽終於係復活節呢啲大時大節買隻蛋俾我

講真，呢隻蛋都真係好鬼甜㗎
一個小朋友，根本無可能一個人食得晒

所以，我通常會同妹妹一人一半

或者食四分一再包番埋，留底遲啲食

當然，成件事嘅重點緊係入面嗰嚿玩具啦！

我記得入面有砌嘅小玩具，有鎖匙扣，有小擺設

就咁一個小小玩具，抽到嘅時候已經好開心啦！

買出奇蛋一啲都唔平

直到而家買嘅次數真係一隻手都數得晒

或者物以罕為貴啦
到而家都仲好記得當時收到、食到嘅心情
食過出奇蛋嘅你，又有無類似嘅回憶呢？

連載於www.dmx.hk
 <<http://www.dmx.hk/index.php/hidden-menu-01/1250-彩色樟木櫳-一次過滿足你三個願望-byid131.html>>