沙沙密卡的彩色世界

係開始之前，真係好想多謝咁多位朋友
新書推出，大家就二話不說，義不容辭，義海豪情（唔知自己講咩）幫我買新書
我淨係同大家講本新書係開Party，連內容都無咩講就信晒我
買晒書番嚟等我簽名，大家咁有情有義，我會記住㗎！

對於未買，心大心細唔知買唔買，就嚟買同諗緊買唔買嘅朋友
等我介紹下新書俾你哋認識啦～

今次新書叫《圍威喂開派對》
書名無呃你，成本書都係講開Party

唔同主題嘅Party故事


Party小食製作

仲有Party小道具／Idea

呢本書，真係岩晒鍾意／諗住開Party嘅你呀XD（好Hardsell）

我成日都覺得自己係一個好幸運嘅人（係我知，我講咗十九萬次啦麻）
但係每次係巴士坐落嚟，戴上earphone,一邊聽歌一邊拎畫簿出嚟畫嘅時候
都會覺得所有嘢都好唔真實 －－

我，好鍾意畫畫，鍾意放上Blog同大家分享最近發生咗啲咩攪笑嘢
我出咗兩本書，e?出咗兩本書，我真係唔係發夢呀麻？
哈，有時我真係覺得自己好似發緊夢⋯⋯如果真係夢，希望一世都唔好醒
俾我繼續出2,3,4,5,6,7,8,9,10⋯⋯本XD

話時話大家買咗留番去有無睇先，我真心畫咗好耐㗎！

雖然我無正式嘅簽名會，但係歡迎大家見到我搵我簽個名㗎！

＊《圍威喂開派對》－沙沙密卡
一丁文化出版 定價HKD68
大眾書局有售