close
話咁快又到五月啦
大家準備好未呢？
準備咩？緊係準備同媽媽慶祝母親節啦！
除咗食飯送禮物，其實我覺得送花都係一個好選擇
唔駛送得貴，最緊要係份心意，一兩支，媽媽已經好開心啦～
記得第一次送花俾媽媽，係讀緊中六嘅時候
學校園藝社舉辦咗一個"母親節送花活動"
係星期五放學之後，我都"偷運"咗支花番屋企
為咗唔俾媽媽發現，我偷偷咁將佢收係房入面
但係媽媽間唔中都會入我房放衫呀掃地咁，究竟有咩地方佢係發現唔到呢
最後，我發現門後條罅係一個好地方
打開左度門如果佢唔閂，佢應該見唔到嘅
就係咁，我就膽戰心驚咗兩日
我又驚佢無晒水會謝
我又驚媽媽會突然衝入嚟
所以星期六日都特別早起
等等等，就係等中午同佢慶祝嘅時候拎出嚟
見到媽媽surprice個樣，我終於成功咗啦！
其實送咩都好， 最重要係心意，一張卡，一支花，一個吻，一句說話
對媽媽嚟講都係一份禮物
祝各位媽媽身體健康，有一個愉花嘅母親節啦～
文章標籤
全站熱搜
留言列表
我是遊客 (6)
