沙沙密卡的彩色世界

離開風穴, 跳上巴士,來到西湖いやしの里根場

白村鄉有合掌屋,嚟到富士山下都有茅茸屋
比起白村鄉的茅茸屋, 呢度嘅屋頂無咁大無咁斜
但係一樣咁可愛

1996年一場颱風引發咗山坡土崩, 一夜間將山下呢條村莊移為平地
只有幾間茅茸屋可以保存落嚟
而家眼見嘅20幾間茅茸屋都係重見出嚟, 等大家可以知道當時村落係咩樣

係呢個村入面,有小小嘅博物館記載住當年山崩嘅新聞剪報同電視錄像
有賣風土產品嘅小士多

有俾遊客參加嘅手工室

仲有各類賣日本小玩意

紙品, 飾物,布織物嘅小鋪頭
哎呀, 唔覺意又買咗一堆...

我對呢啲小工藝，小玩意真係完全無抵抗力

小和紙，4cmx4cm, 可以番嚟接波喎


係茅茸屋中穿插, 幻想自己係村入面嘅一份子
呢種生活真係好簡單,好舒服呀

頭先講過山崩將大部份嘅屋催毀
而係傍邊避過劫嘅渡邊住宅就成為唯一嘅生還者
仲被例為世界文化遺產之一

呢種舊舊嘅感覺真係好鍾意～

行咗一圈，係時候要走啦T－T
因為我要趕住番東京拎番啲行李呀
唔嚟唔知原來河口湖有咁多嘢睇
應該嚟個3日2夜河口湖之旅

好啦，俾個籍口下次再嚟過

係等車嘅時候，發現出口有好多小攤檔
有又甜又多汁嘅もも

仲有即烤即吃嘅粟米同魚

我真係好鍾意佢呢個烤魚方法，超好味！

離開西湖いやしの里根場，番回我哋嘅起點河口湖火車站
途經河口湖公園，唉...我啲薰衣草呀（哭）

1日1夜，話咁快完結
我真係好鍾意河口湖，空氣好，風景好
又可以見到富士山，又可以浸溫泉
將來再有機會我哋再見啦～

好，落車，又要轉車番東京啦～