一年一度香港書展又來了，大家準備好未呀？
以前期待書展，因為可以係一個地方買到好多我想買嘅書
以前期待書展，因為可以見一年只可以見一次嘅王貽興
而家期待書展，因為仲可以見到王貽興
仲有，因為自己有份參與，有自己本書係書展出現
細個去書展，未出灣仔地鐵站，就會見到某出版社係一條條長柱上貼滿作家嘅新書同俏像
當時，我真係有一刻諗過，如果我可以成為其中一個作家就好啦⋯⋯
雖然，我而家都可以叫做一個作家 (噢，其實我由細到大都覺得寫散文寫小說用文字表達成書嘅人先可以配上作家呢個大名）
但係人大咗又開始覺得⋯⋯我都係唔適合做呢啲牆柱嚟宣傳，因為我怕我個樣趕客嘛XD
書展，我無簽書活動，又無咩宣傳活動要出席
但係我依然會去到會展，去偷望買我本書同揭我本書嘅朋友嘅表情
去同朋友係新書前面影相簽名留個記念
Yeah！如果星期日下晝你見到大眾書稿前面有堆人係度簽名自拍
嗰個就係沙沙啦～
喜歡沙沙密卡嘅朋友，歡迎書展其間到大眾書局攤位幫我買本書哦
（有機會見到我，歡迎過嚟傾下計，簽個名，畫個公仔呢～）
文章標籤
全站熱搜
我是遊客 (6)
妳的書我不是在書展攤位買的,是否可以帶來給妳簽名呀?
緊係無問題啦～ 書展見唔到，仲有地攤XD
地攤?幾時有呀~~
可能要8/9月先會去到～
恭喜沙沙密卡出書^_^
Thank you～＊
沙沙密卡，除了星期日下午，其他時間你會在嗎？因為我會在星期三晚和星期六下午到書展，還記得那個佈滿士多啤梨的慕思嗎？那時我答應過送給你，所以很想藉此機會送贈。 有時間請覆^^
緊係記得啦～ 但係只係得星期日有時間去，唔緊要啦，我哋應該仲有機會見面嘅！
我星期日會去啊~~~未見過sasa~唔知會唔會miss左你~~
咁就要睇下我哋有無緣啦XD
最有可能是週日早塲來,都唔知能否見到妳,並取簽名,而且妳沒有搞簽名會,沒有簽名檔口,可能見到妳都認唔到妳呢.
會買你的書吧?
買了你的書
多謝你支持呀！