上學去 - 校服篇(冬) @ 沙沙密卡的彩色世界

上次講完夏季校服
不如講下我套冬季校服啦~

當年我讀的那間集團式學校
有一件非一般的冬季校服

曾經, 有個antie同我講過:
你套校服幾靚wo, 好似修女呀~

因為校服係深藍色
一洗就甩色
所以衫領同手袖全部係用拍拍鈕拍上去的

就係因為咁容易拆出0黎
好多時洗完就會唔知去0左邊
番學ge時候就會得番條領
著0左冷衫之後, 入面0的手袖就唔見晒啦~

記得有一次臨近換季
又因為太熱要除0左件成長袖冷衫
咁無0左隻袖咁點算呢?
一定俾perfect捉啦
所以我0地決定問人借 .......
紙巾

要紙巾0黎做咩呢??
因為手袖係白色,( 其實真係同紙巾差唔多)
所以緊係用0黎扮手袖啦!

其實只要你留心, 你就會可以憑校服睇得出著0個個係幾多年級
係我0地間學校
低form女生除0左條裙會長到落腳眼
高form女生條裙一定唔長過膝頭
仲有lee個特徵...

其實, 我都唔太記得lee個潮流係邊個帶起lu

不過lee套校服已經絕0左版lu~
隨住學校轉校長賣校名, 而家套校服仲有0的似惠康姐姐的製服tim!

講完我的第一套校服
又講下的第二套校服啦~
第二間學校的夏季水手裝真係令我滿心期待我的冬季校服

點知...
佢實在令我太失望了...

白襯衫 + 校呔, 本來係我期待0左好耐ge組合
但係點解要加件連身仲要唔修腰ge長裙呀????