離開鎌倉, 下一個目的地係河口湖

對於河口湖, 我只係知佢係一個可以好近睇富士山嘅地方
有溫泉浸, 有好多博物館

由東京出發, 好多人會選擇係新宿出發,
但係因為今次我哋係住係鎌倉,
中間又錯過咗搭巴士嘅時間,我哋唯有轉幾程火車
由去到大月再轉富士登山電車上山

因為富士登山電車同火車唔係同一間公司營運
所以我哋決定買富士五湖2日周遊券方便搭車
呢張車飛可以用2日,真係好貴呀, 千祈唔好唔見



踏上登山電車,感覺同富士山越嚟越近
又緊張又興奮, 我哋唔知可唔可以見到面呢?


先嚟介紹下先啦, 富士山下有5個湖,
分別係河口湖, 山中湖, 本栖湖, 西湖同精進湖
佢哋係富士山爆發時形成嘅堰窒湖

而今晚我哋就會住係最細而且比較遠嘅精進湖

說時遲那時快,富士山突然係我哋前面出現!

嘩!我哋終於見到面啦!
藍天白雲富士山,點解呢到可以咁好天㗎!

出發去酒店之前我哋有個任務
就係要去郵局買地方限定嘅富士山明信片
唔好講少, 一張明信片連信封同郵票真係好貴
收到嘅朋友,你就知我對你幾好啦~


可能買得太多,郵政局阿姨都覺得好唔好意思
送咗啲迷你明信片同濕紙巾俾我哋
喂呀,好cute呀!

完成任務,向酒店出發!
巴士嚟啦~

沙沙密卡 發表在 痞客邦 留言(2) 人氣()