沙沙密卡的彩色世界

 一個鐘多啲嘅機程轉眼就完結

落機拎完行李緊係要整番張電話卡啦
因為今次book咗appartment住，屋主叫我落咗機就請知佢
一行到去賣電話卡嘅櫃台前，已經見到一條好長好長好長好長嘅人龍

每次去唔同地方，都會發現買電話卡櫃枱前排隊嘅大陪份都係香港人
買電話卡唔係因為要打電話，主要係因為要佢嘅無限上網呢

排隊一排又半個鍾～
如果你有睇花樣爺爺，知道邊個係瑞鎮精靈，呢刻我就做緊佢嘅角色啦
安排好媽媽坐好，我去排隊買飛，唔想佢陪你等，又擔心佢等嘅時候悶

終於終於，買好電話卡，買好車飛，可以向台北進發啦！

 

機場出口有好多好"醜樣"嘅歡迎公仔
其實我好鍾意佢哋㗎 （無錯，啲朋友成日話我鍾意啲樣衰嘢）

我特別鍾意呢個手執歡迎牌嘅公仔
“麗臨台灣”，我終於嚟到台灣啦！


坐飛狗巴士到台北，需要一個鐘多啲嘅時間
嚟到目的地，今次我哋住係紅樓附近，上車嘅時候我已經用Whatapps同屋主聯絡好
一落車諗住打俾佢
點知個電話打極都打唔出
正係我一片混亂之際
發現馬路對面有個人好唔耐煩咁等緊

係好尷尬嘅情況下我哋用Whatapp相認了⋯⋯

好，放底行李，準備出發啦！