今日同大家講下甩底...
甩底, 唔係俾人放飛機ge甩底..
係我隻鞋甩0左個鞋底...

點解好好一隻鞋會甩0左個底ga呢??
事原是這樣的....

今日番工路過人多人多人多的地鐵站門口
因為真係太多人
我又心急行得快
一個阿叔真係好應咁踩左落我隻踭到,
而我又好想急咁找起隻腳向前行,
就係咁, 我隻鞋就同個鞋底分離0左啦....

先生...帶眼睇路好wo...

真係慘, 一番工就爛鞋..
點捱到放工呢?
好彩工司多奇怪0野
比如話, 有鞋膠啦~
唉...唯有乖乖地坐定定黐番隻鞋啦...


黐0左幾個鐘, 鞋底唔甩好輕鬆
希望放工唔好再見到0個個阿叔啦


* 後記
其實我都唔係第一次爛鞋
記得有一次落雨出街著0左對婆仔鞋
就係番屋企途中竟然甩0左個底
攪到我隻腳要黐住地下行
因為,一拎起隻腳隻鞋就會"完全"分離...

鞋呀鞋, 你要撐住呀
撐到我番到屋企呀!

 

全站熱搜

沙沙密卡 發表在 痞客邦 留言(6) 人氣()